HATAW! D'yaryo ng Bayan hatawtabloid.com
KRITIKAL ang kalagayan ng driver ng 14-wheeler truck na may kargang semento makaraan saksakin ng tatlong hijackers at inagaw ang minamaneho niyang sasakyan bago siya itinapon sa madilim na lugar kamakalawa ng gabi sa Brgy. Sta, Maria, Mexico, Pampanga.
Ayon sa mga awtoridad, dakong 8 p.m. binabaybay ng biktimang si Ricardo Balmores, driver ng 14-wheeler truck, ang provincial road ng San Ildefonso, Bulacan nang parahin siya ng suspek na si Ferdinand Istraita, kapwa driver, at dalawa pang kasama, at nakiusap na makikisakay.
Pumayag ang biktima ngunit inagaw ng isa sa mga suspek ang manibela at pinagtulungan siyang igapos saka siya pinagsasaksak sa likod.
Pagsapit sa Sta, Maria, Mexico ay itinapon siya sa madilim na lugar. (RAUL SUSCANO)
