HATAW! D'yaryo ng Bayan hatawtabloid.com
KRITIKAL ang isang messenger nang barilin ng isa sa tatlong ‘di nakilalang holdaper na tumangay ng P130,000 payroll money sa Valenzuela City kamakalawa.
Ginagamot sa Manila Central University (MCU) hospital ang biktimang si Jay Guinan, 38, messenger ng Pipe World Manufacturing, ng Area 3, Novaliches, Quezon City, sanhi ng isang tama ng bala sa likod na tumagos sa dibdib.
Tumakas ang mga suspek sa magkakahiwalay na direksiyon tangay ang halagang pampasuweldo sana sa mga empleyado lulan ng motorsiklo.
Dakong 2:00 p.m., nag-wtihdraw ang biktima sa Union Bank sa Brgy. Paso de Blas, pagbalik sa opisina, pagsapit sa kanto ng Miranda at Santiago Sts., hinarang ng tatlong suspek sakay ng dalawang motorsiklo saka hinoldap.
Pumalag ang biktima kaya binaril ng mga suspek bago tumakas tangay ang pera.
(ROMMEL SALES)
