HATAW! D'yaryo ng Bayan hatawtabloid.com
MAY negosasyon ngayon ang Rain or Shine at Globalport para kunin ng Elasto Painters ang serbisyo ni Jay Washington.
Isang source ang nagsabing hindi magkasundo sina Washington at Alex Cabagnot mula pa noong huling Governors Cup kaya may plano ang Batang Pier na itapon si Washington sa Elasto Painters na dati niyang koponan noong naglalaro pa siya sa PBL.
Nasa Miami ngayon si Washington para samahan ang Gilas Pilipinas sa training camp nito para sa FIBA World Cup sa Espanya at Asian Games sa Korea.
“Meron nga daw ganoon (na negotiation), pero I leave it up to the management and the coaching staff,” wika ng team owner ng ROS na si Raymond Yu.
Ayon din sa source, depende sa mga manlalarong pipiliin ng Painters sa PBA Rookie Draft sa Agosto 24 kung itutuloy pa nila ang negosasyon para makuha si Washington. (James Ty III)
