Thursday , July 18 2024

Trillo assistant coach na ng Meralco

BALIK sa pagku-coach sa PBA ang dating head coach ng Alaska Milk na si Luigi Trillo pagkatapos na kunin siya ng Meralco bilang bagong assistant coach ni Norman Black.

Sa kanyang Twitter account noong isang gabi, kinompirma ni Trillo na makakasama na niya sina Ronnie Magsanoc, Patrick Fran, Xavier Nunag at Gene Afable bilang mga assistants ni Black na papalit kay Ryan Gregorio sa paghawak ng Bolts simula sa susunod na PBA season.

Bukod dito ay team manager na ng Meralco ang kapatid ni Trillo na si Paolo.

Kusang nagbitiw si Gregorio bilang coach ng Meralco upang maging executive ng kompanya.

Si Jong Uichico naman ay pumalit kay Black sa paghawak ng Talk n Text na sister team ng Meralco.

Bago siya nakuha ng Meralco ay sandali lang naging TV commentator si Trillo noong katatapos na PBA Governors Cup Finals para sa Sports5.

“A lot of good coaches have done it (broadcasting) but it’s not bad to stay with the game. I love commentary but my passion is coaching,” wika ni Trillo. “As far as I know, Ronnie Magsanoc is the first assistant coach but I’m willing to help Norman and his staff in any way I can.”

Matatandaan na sinibak ng Alaska si Trillo sa unang bahagi ng Governors Cup dahil umano sa hindi niya pagkakasundo sa ilang mga manlalaro ng Aces at pinalitan siya ni Alex Compton na gumabay sa koponan sa semis.

Dinala ni Trillo ang Alaska sa titulo ng Commissioner’s Cup noong 2013 ngunit pagkatapos ay hindi umabot ang Aces sa semifinals kaya sinibak siya.           (James Ty III)

About hataw tabloid

Check Also

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Jan Emmanuel Garcia Xiangqi

ADMU chess team program Head Jan Emmanuel Garcia nanatili sa tuktok ng liderato

Standing After Round 3: (Group B)3.0 points — Jan Emmanuel Garcia, Wang Sing, Cai Jiu …

Leave a Reply

Your email address will not be published. Required fields are marked *