Teenager patay, pamilya naospital sa isdang butete

NAGSILBING huling hapunan ng isang teenager ang ulam nilang butete nang siya ay malason at hindi na nailigtas sa Madridejos, Cebu, kamakalawa.

Hindi naagapan ang biktimang si Clifford Negro, 14, kaya binawian nang buhay, habang ginagamot sa Bantayan District Hospital ang mga magulang niyang sina Armando, Sr., at Maribel Negro; mga kapatid na sina Jephane, 17; Ethyl, 15; Armando, Jr., 14; Nina Marie, 9; Tayong, 5; Juminia, 2, pawang residente ng Brgy. Poblacion.

Inihayag ng Madridejos Police Office, inulam ng pamilya Negro ang butete ngunit pagkaraan ay sumakit ang kanilang tiyan. (BETH JULIAN)