Austria inalok maging coach ng SMB

KINOMPIRMA ng isang source mula sa kampo ng San Miguel Corporation na si Leo Austria ay pangunahing kandidato para maging bagong coach ng San Miguel Beer sa PBA.

Sinabi ng source na may karanasan na si Austria sa paghawak ng Beermen sa ASEAN Basketball League kung saan sila’y nagkampeon noong isang taon.

Inaasahang papalitan ni Austria si Biboy Ravanes na babalik bilang assistant coach habang magiging consultant na lang ang first assistant ng Beermen na si Todd Purves.

Kahit malakas ang lineup ng Beermen sa pangunguna ng 2014 PBA MVP na si Junmar Fajardo ay hindi sila umabot sa semifinals sa lahat ng tatlong torneo sa huling PBA season.

Dating coach si Austria ng Welcoat at Shell sa PBA at ang Adamson University sa UAAP.

Sa ngayon ay nagsisilbi si Austria bilang assistant athletic director ng Ateneo de Manila University.           (James Ty III)