Kelot tumalon sa SM South Mall

TUMALON nang patalikod mula sa ikatlong palapag ng isang shopping mall ang isang lalaki kamakalawa ng gabi sa Las Piñas City.

Nalagutan ng hininga habang isinusugod sa Las Piñas Medical Center ang biktimang kinilala sa Philhealth card na si Charlies Sacula Cominguez.

Sa natanggap na ulat ni Las Piñas City Police chief, Senior Supt. Adolfo Samala, nangyari ang insidente dakong 8:30 p.m. sa SM South Mall Basement level tapat ng New Bistro Deli, Alabang-Zapote Road ng nasabing siyudad.

Sa pahayag ng testigong si Hazzel Cabuyao ng San Flower, Pilar Village, Las Piñas City, kina POs2 Christopher Catamora at Christian Yanga, palingon-lingon muna ang biktima at pagkaraan ay patalikod na tumalon mula sa ikatlong palapag ng mall at bumagsak sa basement.

(JAJA GARCIA)