HATAW! D'yaryo ng Bayan hatawtabloid.com
PATAY ang 38-anyos jeepney driver makaraan barilin ng riding in tandem sa Anda Circle, Intramuros, Manila kahapon ng madaling-araw.
Kinilala ang biktimang si Jhonny Mateo, 38, tubong Vintar, Ilocos Norte, residente ng Rincon Street, Malinta, Valenzuela City.
Tinutugis na ng mga awtoridad ang mga suspek na nakasuot ng helmet at nakasakay sa pulang Honda motorcycle, kapwa armado.
Ayon kay Det. Glenzor Vallejo ng Manila Police District (MPD) Homicide Section, dakong 12:45 a.m. habang minamaneho ng biktima ang kanyang pampasaherong jeep (NYC-236) na biyaheng Malanday – Pier, dinikitan siya ng mga suspek pagsapit sa Bonifacio Drive, Intramuros hanggang Anda Circile, Port Area. Pagkaraan ay biglang binaril sa ulo ng isa sa mga suspek ang biktima saka mabilis na tumakas.
– LEONARD BASILIO
(May kasamang ulat nina CAMILLE BOLOS, NIKKI-ANN CABALQUINTO, ANTONIO MAAGHOP, JR., BHENHOR TECSON, at LARA LIZA SINGSON)
