Ex-chief security aide ni Kris new PAF chief

ITINALAGA ni Pangulong Benigno “Noynoy” Aquino bilang bagong commanding chief ng Philippine Air Force (PAF) si M/Gen. Jeffrey Delgado.

Si Delgado ay miyembro ng Philippine Military Academy (PMA) “Sandigan” Class of 1982 at kasalukuyang Deputy Chief of Staff for Plans and Programs (J5) na nakabase sa Camp Aguinaldo sa Quezon City.

Dati rin siyang chief security aide ng bunsong kapatid ng pangulo na si Kris Aquino.

Kahapon ay pormal siyang itinalaga bilang bagong PAF chief sa turnover ceremony sa Fernando Air Base sa Lipa City, Batangas.

Pinalitan ni Delgado ang nagretirong si Lieutenant Gen. Lauro Catalino dela Cruz ng PMA “Mapitagan” Class of 1980.

(LAYANA OROZCO)