Seguridad hiling ni Deniece
Kasunod ng paghiling ng kampo ni Vhong Navarro ng seguridad, iginiit ng kampo ni Deniece Cornejo na ito ang dapat bigyan ng seguridad.
“If there is one person that needs security, that needs special attention, that needs to be secured by the PNP, by the DILG, it should be Deniece Cornejo,” ani Atty. Howard Calleja, abogado ni Cornejo.
Ito’y bunsod anya sa mga bantang natatanggap ng kanyang kliyente sa social media.
Samantala, itinanggi rin ng abogado na nagdala ng baril sina Cedric Lee at mga kasamahan nito nang maganap ang pambubugbog sa actor/tv host noong Enero 22.
