Rekomendasyon ng DOJ
P1.68-B TAX RAPS VS ‘BGC BOYS’

INIREKOMENDA ng Department of Justice (DOJ) na sampahan ng 44 criminal tax cases laban sa tinaguriang ‘BGC Boys’ o ‘Bulacan Group of Contractors,’ kaugnay nang pinagsama-samang tax liabilities na nagkakahalaga ng P1.68 bilyon.

Inihayag ni Bureau of Internal Revenue (BIR) Commissioner Charlito Martin Mendoza, nakitaan ng DOJ ng probable cause para sampahan ng kaso sina daing Department of Public Works and Highways (DPWH) Bulacan assistant district engineer Jaypee De Leon Mendoza, 1st District engineers Henry Alcantara at Brice Ericson Hernandez kaugnay ng tax evasion sa ilalim ng Section 254 at iba pang kaugnay na paglabag sa ilalim ng Section 255 ng National Internal Revenue Code (NIRC), as amended.

Sa rekomendasyon ng DOJ, nabatid na si Mendoza ay sasampahan ng 16 criminal information para sa kabuuang P179.785 milyong tax liabilities mula 2021 hanggang 2024; 18 criminal information naman ang ihahain laban kay Alcantara para sa kabuuang P913 milyong tax liabilities mula 2022 hanggang 2024; at 10 criminal information ang kakaharapin ni Hernandez para sa kabuuang P593.776 milyong tax liabilities mula 2020 hanggang 2024.

Nakatakdag ihain ang mga naturang kaso sa Court of Tax Appeals.

Ksalukuyang nakapiit sina Hernandez at Mendoza sa New Quezon City Jail habang si Alcantara naman ay nasa ilalim ng Witness Protection Program (WPP) ng pamahalaan.

Nahaharap din ang tatlo sa mga reklamong graft sa Office of the Ombudsman. (HNT)