Kaye ipina-tattoo pink ribbon para sa Cancer Survivors Month

SHOWBIZ KONEK
ni Maricris Valdez

“FOR quiet battles and victories of a cancer survivor.” Caption ng tattoo artist na nag-tattoo ng pink ribbon kay Kaye Abad.

Nagpa-tattoo si Kaye kasabay ng pagdiriwang ng Cancer Survivors Month ngayong June.

Ang pink ribbon ay pandaigdigang simbolo ng suporta at kamalayan at para sa paglaban kontra breast cancer.

May, 2026, kasabay ng pagdiriwang ng 44th birthday ni Kaye ibinahagi nito sa publiko ang kanyang naging journey sa paglaban sa breast cancer at kung paano niya nalampasan ito.

Ang tattoo studio na 032 Tattoo ang nag-post sa Instagram ng mga litrato at video clip ni Kaye habang nagpapalagay ng tattoo sa kanang bahagi ng tagiliran.

“So grateful to do this tattoo. This ribbon stands for the quiet battles and victories of a cancer survivor. 

“Thank you, (Paul Jake Castillo) and (Kaye Abad) for trusting me and 032 Tattoo, caption ng may-ari ng 032 Tattoo at tattoo artist na si Chow Abinales.

May post din si Kaye ng kanyang litrato sa IG bilang pagdiriwang ng Cancer Survivors Month. Kalakip nito ang mensahe para sa mga kapwa niya gumaling at patuloy na lumalaban sa Big C.

“We celebrate every survivor, every scar, every silent battle, every tear, every prayer, and every victory.

“What we went through was never easy, but here we are… still fighting, still standing, still choosing hope.

“To everyone who continues this journey, know that your strength inspires more people than you realize,” ani Kaye.