MATABIL
ni John Fontanilla
MATAGUMPAY ang 1st major concert ng actor & singer na si Mygz Molino, ang Yakap ni Bunso noong May 12 sa Tanghalang Pasigueño na idinirehe ni Eric Borromeo.
Ang konsiyerto ay alay ni Mygz sa kanyang mga loyal at solid supporter na ang iba ay mula sa “KaBunso” community na laging nakasuporta sa lahat ng ginagawa niya.
Pinuno ng kilig, hiyawan, at palakpakan ang buong Tanghalang Pasiguen̈o sa mga production number na inihanda ni Mygz.
Naganap din sa concert ni Mygz ang contract signing nito bilang ambassador ng Erase Beauty Care.
Espesyal na panauhin ni Mygz sa kanyang konsiyerto sina Darius Razon, Ynez Veneracion, Selina Sevilla, Sarah Javier, Keanna Reeves, Charina Carmen, Shierrah Sumacot, Erika Mae Salas, Hannah Mari Castillo, Kittrix, Blue Dreamers PH, at ang cast ng Kappa-tiran at Coming Home.
Ang parte ng kinita ng concert ay ibabahagi ni Mygz sa Yakap Foundation bilang beneficiary.
Ang Mygz Molino Yakap ni Bunso Concert ay hatid ng JC Productions sa pakikipagtulungan ng Erase Beautycare, Triple A Productions, at Mamay Productions.
