Daniel sinusuportahan animal shelter sa Arayat, Pampanga

MATABIL
ni John Fontanilla

SINORPRESA ni Daniel Padilla ang isang caretaker ng isang animal shelter sa paanan ng Mount Arayat in Pampanga na kanyang sinusuportahan.

Niregalohan ito ni Daniel ng bahay kubo na puwede siyang magpahinga, habang inaalagaan niya ang mga rescued animal.

Sa kanyang Facebook ay ipinost ng shelter caretaker na si Gemma Omongos ang larawan ng kubo at mga supply ng mga rescued animal na bigay ni Daniel.

“Maraming salamat, Daniel Padilla. Na-surprise ako sa kubo. Masaya ako kasi meron na akong matutulugan.”

Matagal nang tumutulong si Daniel sa nasabing animal shelter mula sa pagkain at iba pang pangangailan nito at sa mga volunteer na nag-aalaga ng mga rescued dogs and cats.