Ms World Phil. 2021 Tracy Maureen Perez pumirma sa VAA

MATABIL
ni John Fontanilla

HINDI tuwirang sinabi ng Ms World Philippines 2021 Tracy Maureen Perez kung wala na ba siyang balak sumabak muli sa pageant lalo’t papasukin na ang pag-arte sa pagpirma ng kontrata sa Viva Artist Agency.

Ayon kay Tracy sa naganap na contract signing ng partnership ng Viva Talent Agency at AlV Talent Circuit Inc. kamakailan, “This is definitely a new chapter for me, that’s my answer.

“As what I’ve had said a while ago, every thing that comes my way dapat ready ka kasi hindi ka mananalo sa buhay kung susuko ka.”

Dagdag pa nito, “Dapat ready ka, go lang ng go and always show your best foot forward kahit saan ka magpunta and that’s my answer.”

At sa pagpasok nga nito sa mundo ng pag-arte ay mas gusto nitong gumawa ng mga pelikulang pang-drama, dahil marami raw siyang naging hugot sa buhay.

Bukod kay Tracy, ang ilang ALV talents na pumirma pa sa VAA ay ang mga Pinay Queen na sina Zia Ainhize Arboleda, Nikki Buenafe, Meridith Bobadilla, Beatriz Angela Ocampo, MJ Suarez, Carla Jane Torcido, Erika Marie Davis, Keylyn Pan Trajano, Alyssa Geronimo, at Margarette Briton.

Ang nasabing contract signing ay pinangunahan ng mga big bosse ng Viva na sina boss Vic Del Rosario, Vincent Del Rosario, Veronique Corpus, at Arnold Vegafria. Hosted by Phoebe Walker.