HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez
HINDI itinanggi ni Barbie Imperial na ang makikinang na suot-suot niyang alahas sa advance screening ng pinakabagog action series ng Kapamilya na pinagbibidahan nila nina Richard Gutierrez, Bela Padilla, at Gerald Anderson, ang Blood vs Duty na isinagawa sa Trinoma ay mula kay Ms. Annabelle Rama.
Agaw-pansin ang mga naggagandahan at makikinang na alahas na suot ni Barbi kaya hindi ito nakaligtas sa panunuri ng entertainment media.
Hindi naman itinago ni Barbie kung kanino nga ang mga alahas na suot-suot.
Ani Barbie, “’Yung iba po kay Tita Annabelle, ito (hikaw na may malaking bato) po bigay niya.”
Samantalang ang kwintas, “Ay, akin naman po ito may pambili naman ako,” natatawang tugon pa ng aktres.
Ani Barbie malaking bagay na magkatrabaho sila sa isang serye ni Richard.
Kaya kung may natutuhan siya sa aktor, sinabi ng aktres na, “Siguro po kasi ang dami niyang experience sa action. Sobrang suwerte ko lang po na palagi kaming magkasama kung ano ‘yung mga kailangan kong gawin.
“Ginagabayan niya rin ako like sa Muay Thai, boxing parati siyang nandiyan,” exciting na pagbibida ni Barbie.
Kitang-kita sa mga ngiti kapwa nina Richard at Barbie na maganda ang samahan nila kaya binibiro ang mga ito na hindi sila toxic sa kanya-kanyang buhay ngayon.
Ang Blood vs Duty ay idinirehe nina FM Reyes, Bjoy Balagtas, at Rico Navarro, kasama si Erwin Taglebilang action director.
Mapapanood na ito simula Abril 3 sa Netflix at April 4 sa iWant.
