HATAW! D'yaryo ng Bayan hatawtabloid.com
KOMPIRMADONG patay ang dalawang biktima, habang tinitiyak pa ng pulisya kung ilan ang sugatan sa insidente ng pagragasa ng isang 10-wheeler truck na nawalan ng preno at sumagasa sa anim na sasakyan
sa Silang-Tagaytay Road sa Barangay Puting Kahoy sa bayan ng Silang, sa lalawigan ng Cavite.
Sa inisyal na ulat, dakong 6:00 ng umaga nang maganap ang insidente sa nasabing lugar. Sinabing mula sa Laguna ang 10-wheeler truck na minamaneho ng hindi kilalang driver ngunit mabilis na tumakas sa lugar ng insidente.
Nabatid na bumabagtas nang mabilis sa lugar ang truck at dahil pababa ang kalsada, mas napabilis ang takbo nito hanggang hindi na gumana ang preno kung kaya dere-deretsong bumulusok at inararo ang may anim na sasakyan na kinabibilangan ng isang SUV, tatlong kotse at dalawang motorsiklo na pawang may mga sakay.
Kinomporma sa ulat ng pulisya na dalawa ang patay habang itinakbo sa magkakahiwalay na pagamutan ang mga sakay ng mga nadamay na sasakyan.
