HATAW! D'yaryo ng Bayan hatawtabloid.com
PUSH NA’YAN
ni Ambet Nabus
HATI pa rin ang reaction ng mga netizen sa pinag-uusapang ‘mall sighting’ kina Kathryn Bernardo at Mark Alcala.
May mga nagsasabi na nabawasan na ng interes ang madla dahil sa pinatagal pa nila ang tila pagpapakita ng kanilang totoong relasyon.
Sey pa ng ilang netizen, “matagal nang nag-assume ang sambayanan sa relasyon nila dahil na rin sa mga sighting sa kanila. Ang dami nilang eklay as if mga teenager na ngayon lang na-in love then may mga ganyang PDA, sinasadya man o hindi.”
Ang tila sinasabing PDA ay ‘yung pagpunas daw ni Kath sa labi ni Mark dahil may something yata habang nasa escalator sila.
Nandiyan pa ‘yung tila bawal daw silang magpiktyur na magkasama noong may mga naka-identify sa kanila.
Sa kabilang dako, marami rin naman ang nagsasabing kinikilig sila at aprub na aprub sa kanila ang relasyon ng dalawa. May mga nag-coin pa ng names nila at tinawag silang MarKath o di kaya’y KathMark.
May mga iba pa ngang nagsabi na excited na silang makarinig ng wedding bells soon. Habang may mga nag-aakusa naman kay Lucena Mayor Mark na napaka-aga pa nitong magparamdam para sa 2028 elections.
There you go!!!
