Jasmine inamin OA reaksiyon kina Mogato at Lingao

MA at PA
ni Rommel Placente

MATAPOS benggahin si Cong. Bong Suntay ay pinasaringan naman ni Jasmine Curtis -Smith ang dalawang broadcast journalist na sina Manny Mogato at Ed Lingao.

Ini-repost ng aktres sa social media kamakailan ang isang video na iniinterbyu nina Mogato at Lingao si Suntay patungkol sa pambabastos umano nito sa kapatid niyang si Anne Curtis.

“BAKIT TUMATAWA UNG MGA LALAKING HOSTS SA PAGTATANONG NILA?????? WALA KAYONG INIBA KAY BONG SUNTAY,” paninita ni Jasmine kina Mogato at Lingao na ipinost niya sa kanyang X. 

Maraming nagtanggol sa dalawang mamamahayag dahil ang paniniwala nila, ang pagtawa ng mga ito sa panayam ay bilang pang-asar kay Suntay dahil hindi sila kumbinsido sa pagtatanggol nito sa sarili.

Nang mabasa ni Lingao ang post na ‘yun ni Jasmine laban sa kanila ni Mogato ay sinagot niya ang nakababatang kapatid ni Anne. Nag-post din ito sa kanyang social media account. 

Sabi niya, “‘Yung iba namang nagkokomento na takot daw kami at bahag ang buntot kaya kami natatawa – I seriously don’t think we have the same threshold for fear.”

Kasunod nito, nag-post uli si Jasmine sa kanyang X account at dito niya inamin na pinagsisisihan niya ang ginawang paghahalintulad kina Mogato at Lingao kay Suntay. 

Sabi ng dalaga, naging OA raw ang kanyang pahayag at dala lamang iyon ng “frustration.” 

“I regret likening the hosts to Bong Suntay, that was too strong and said in frustration,” pag-amin ni Jasmine.