Pamilya ni Odette Khan nanawagan ng tulong

SHOWBIZ KONEK
ni Maricris Valdez

HUMIHINGI ng tulong ang pamilya ng premyadong aktres na si Odette Khan na naka-

confine sa National Kidney and Transplant Institute mula pa noong February 21.

Ayon kay Claudette Avelino-Tandoc anak ni Ms Odette, na in-upload sa Facebook page ng pelikulang Bar Boys, may pneumonia, emphysema, at edema ang aktres.

Tinanggalan din ng fluid ang kanang baga ng aktres bilang bahagi ng patuloy na isinasagawang medical treatment dito. 

Ani Claudette, noon pa mang February 27, umabot na sa mahigit P211,000 ang kanilang hospital bill, hindi pa kabilang ang professional fees ng mga doktor, bayad sa mga reader, caregiving expenses, at mga gamot.

“We are running out of funds. I am appealing to your kind hearts, as Mommy Odette’s child. 

“She has served the film and television community with all her heart for over five decades.

“If she has touched you in any way during these years and you are capable and willing to donate, we would really appreciate it. 

“Taos-pusong pasasalamat po in advance sa mga tutulong kay Mommy Odette,” pahayag ni Claudette.

Nasa post din ang mga detalye ng donation links at bank account numbers para sa mga gustong magpaabot ng tulong pinansiyal.

Nagpasalamat din ang pamilya sa lahat ng nga nagdarasal at tumutulong ngayon sa pagpapagamot ng veteran actress.