Sa ginaganap na Confirmation of Charges hearing
Dasal hiling ni Bong Go sa publiko para kay Digong

HUMILING ng panalangin at hinikayat ni Senator Christopher Lawrence “Bong” Go ang publiko na manatiling mahinahon kasabay ng pormal na pagsisimula ng confirmation of charges hearing ni dating Pangulong Rodrigo Duterte sa International Criminal Court (ICC).

Hindi itinago ni Go ang kanyang pagsuporta para sa dating pangulo na nahaharap sa kasong crimes against humanity kaugnay ng kontrobersiyal na kampanya kontra-droga ng nakaraang administrasyon.

Ani Go, ipinagdarasal niya ang dating pangulo na magkaroon ng courage, peace of mind, at magandang kalusugan.

Nanawagan si Go sa mga taong sumusuporta sa dating Pangulo na magtiwala  sa umiiral na sistema ng hustisya.

Nauna rito, kinilala rin ng ICC bilang isa sa mga hinihinalang co-perpetrators sa nasabing war on drugs si Go.

Magaganap ang pagdinig mula 23 Pebrero hanggang 27 Pebrero sa The Hague, Netherlands.

Sa huli ay muling nanawagan si Go para sa kalayaan at pagbabalik sa bansa ng dating Pangulo. (NIÑO ACLAN)