Jayda sa Project Loki: it felt like I was entering a different world

MAPATUTUNAYANG epektibong direktor si Xian Lim tulad ng paglalarawan ng mga bida sa idinirehe niyang serye, ang Project Loki na pinagbinidahan nina Dylan Menor at Jayda Avanzado sa oras na maipalabas na ito simula February 21, 2026 sa Viva One.

Sobrang purihin nina Dylan at Jayda si direk Xian na talaga namang naisapuso nila ang mga karakter bilang Loki at Lorelei.

Umiikot ang Project Loki sa QED Club ng Clark University na binubuo ng mga estudyanteng mahilig mag-imbestiga ng mga misteryosong kaso sa loob at labas ng campus.

Sabi nga ng unica hija nina Dingdong Avanzado at Jessa Zaragoza, nakae-engganyo ang karanasan mula nang tumuntong siya sa set — ang uri ng malikhaing kapaligiran na inaasahan ng mga aktor ngunit bihirang mahanap.

“Every time (dumarating sa taping) it felt like I was entering a different world. I didn’t feel like I was Jayda — I truly felt like I was Lorelei. Not every actor gets to be part of something as detailed as this, and I feel very grateful.”

Mayroon namang isang bagay na tahimik na nakahihimok tungkol sa isang misteryong serye na pinamumunuan ng isang aktor na umamin na ngayon lang niya natuklasan kung gaano siya ka-curious.

“I used to think I wasn’t really that curious and that I was very different from my character,” anang binata. 

“But as we kept shooting and doing so many scenes, I eventually realized that maybe that side of [Loki in me] was already there.”

Sabi nga ni Dylan, ukol sa karakter niyang si Loki Mendez — masalimuot, layered at misteryoso.

Mapapanood na ito simula February 21 sa Viva One at CignalPlay, ang series adaptation nannag-hit din sa Wattpad ay novel ni AkoSiIbarra.

“What I usually show the public is that I’m a bubbly and happy guy, but there is also a side of me that can be quite mysterious,” sambit pa ni Dylan.

Sinabi naman ni direk Xian na mahigpit siyang nakipagtulungan sa cast at sa tagalikha ng nobela para matiyak na mananatiling tapat ang adaptasyon habang nagbibigay din ng isang bagay na visual at emosyonal na makabago.

“We do our best to make 100 percent accurate. While shooting, we cross-check with the book and the author all the time. We have a very collaborative process, and if scenes need to change, they go through the author first,” ani Xian. 

Binigyang halaga rin ni Direk Xian ang galing at sigasig ng cast, na inalala ang mahabang araw ng shooting na umabot sa madaling araw subalit napanatili ang enerhiya sa set.

“It feels like we’re kids playing with expensive toys — that’s the vibe,” biro nito. “Even when the scenes are challenging, and everyone is tired, they remain enthusiastic and committed.”

Kasama rin sa cast sina Marco Gallo bilang Luthor, ang Student Council Vice President at kuya ni Loki; Yumi Garcia bilang Jamie, isang drama club actress na may photographic memory; at Martin Venegasbilang Alistair, ang bestfriend ni Lorelei na sasabak din sa mundo ng misteryo.

Pinagsamang misteryo, kilig, at intriga—ito ang ihahain ng Project Loki sa bawat episode.