HATAW! D'yaryo ng Bayan hatawtabloid.com
DAPAT suportahan at panoorin ang pelikulang Breaking The Silence ni Direk Errol Ropero dahil bukod sa napakahusay ng mga artista rito, napapanahon ito at kapupulutan ng maraming aral.
Ang Breaking The Silence ay pinagbibidahan nina Ramon Christopher, Pinky Amador, Jeffrey Santos, Rob Sy, Pekto Nacua, Bugoy Cariño,Mark Herras, Shira Tweg,Potchi Angeles Gray Weber, Zion Cruz, at Ryrie Sophia.
Ayon nga kay Ms. Ann Michelle Weber ng Gummy Entertainmemt, producer ng Breaking The Silence,“Noong pinag-uusapan na namin ni Direk Errol ‘yung movie, kung para saan ito, kung ano ‘yung gagawin, naisip ko ‘yung kids ko.
“Uy bullying! I have Ivo here my son with a very long hair that experience (bullying), grabe po. At a very young age grabe ang pagka-severe ng pagka-bully sa kanya, na until now to be honest, hindi niyo siya mapapaihi sa urinal na pang-lalaki nanginginig siya ‘pag nakita niya.
“And then I have my eldest na na-bully din. She undergo trauma. I think ‘di ko namam ito itinago na my two kids is from my past relationship and I marry my wonderful husband,
“My eldest has a trauma from broken family.
“Sabi ko wait, nakare-relate talaga roon sa story and I myself goes to post partum. So sabi ko push natin ito. Tapusin natin kahit anong mangyari (movie).
“Kasi I want the people na mas maintindihan ang mental health. Ano ba ‘yung puwede nating magawang tulong for them?
“Kaya I’m thankful din po kay direk Errol for bringing the movie to me talaga. Sa buong cast sabi ko nga they are my greatest blessings in 2025 until now, thank you so much,” wika ni Ms Anna.
Ang pelikula ay lilibot sa iba’t ibang eskuwelahan sa buong Pilipinas kasabay ng pagpapalabas nito sa mga sinehan.
Isinusulong ng pelikulang ito ang kahalagahan ng mental health, anti- bullying, pagkakaisa, pagmamahalan, at pagkakaintindihan ng bawat pamilya.
