HATAW! D'yaryo ng Bayan hatawtabloid.com
NA-BREAK na ng Shake, Rattle & Roll: Evil Origins ang P100-M mark sa isinasagawang Metro Manila Film Festival 2025. Nagtala na ito ng P110-M sa talkilya simulang magbukas ito sa mga sinehan noong December 25. Ito ang 2nd topgrosser sa walong pelikulang kalahok sa MMFF. Ang Shake, Rattle & Roll: Evil Origins ay ang official entry ng Regal Entertainment, Inc..
Consistent ang Shake, Rattle & Roll: Evil Origins sa posisyon nito sa box office simula noong opening ng festival noong Pasko. Isa na ang Shake, Rattle & Roll: Evil Origins sa biggest moneymaker sa hanay ng Pinoy horror movies na ipinalabas ng mga nagdaang taon. Ito na rin ang may hawak ng record bilang biggest hit sa lahat ng Shake, Rattle & Roll franchise.
Taos-puso ang pasasalamat ng pamunuan ng Regal Entertainment at produksiyon ng Shake, Rattle & Roll: Evil Origins sa lahat ng tumangkilik at patuloy na tumatangkilik sa pelikula. Mga fan, pamilya, at kaibigan ng cast na hindi nagkait ng suporta sa pelikula. At sa pamilyang Filipino na naging malaking bahagi ng tagumpay ng pelikula.
Naging word-of-mouth din ang production excellence ng pelikula. At ang mahusay na pagganap ng buong cast. Matinong direksiyon at script.
Maihahanay na ang Shake, Rattle & Roll: Evil Origins sa listahan ng mga de-kalibreng horror movies sa kasaysayan ng pelikulang Filipino.
Patuloy na gagawa ang produksiyon ng Regal Entertainment ng mga de kalibreng obra para sa mga Filipino na patuloy na tumatangkilik sa kanilang mga pelikula.
