HATAW! D'yaryo ng Bayan hatawtabloid.com
PUSH NA’YAN
ni Ambet Nabus
MULI na namang na-involve si Cong. Richard Gomez sa isyu ng “pisikalang away” base sa reklamo ni Phil. Fencing Assoc. President Rene Gacuma.
Kapwa sila nasa Thailand dahil sa ongoing na SEA games.
Nag-compete si Goma sa shooting na nanalo siya ng silver medal, habang sinusuportahan din ang anak na si Juliana, na sa fencing naman napapalaban.
Ayon sa tsika ni Gacuma, nang tangkain daw niyang i-congratulate ang congressman dahil sa silver medal nito, ay tinapakan nito ang isang paa niya nang matindi para ma-out balance siya at agad na halos baliin nito sa pagkaka-diin ang isang daliri niya.
Bukod pa riyan, sunod-sunod umanong pagmumura ang inabot niya nang dahil sa pagkuwestiyon sa kanya kung bakit pinalitan niya si fencer Alexa Larrazabal sa event nito.
Narinig namin ang paliwanag ni Goma sa TV5 News with Cheryl Cosim at hindi naman nito idinenay ang pangyayari, pero siyempre may side siyang lumaban at naghamon din si Gacuma.
Wala pang paliwanag ang matataas na opisyal ng Phil. delegation hinggil sa isyu, pero sa kasalukuyan ay may posisyon si Richard bilang Second Vice President ng Phil. Olympic Committee and at the same time ay director din ito ng Phil. Fencing Assoc.
