SHOWBIZ KONEK
ni Maricris Valdez
“I feel so happy, it’s a different high.” Ito ang tinuran ng Star for All Seasons Vilma Santos-Recto matapos muling masungkit ang Best Actress trophy sa katatapos na 41st PMPC Star Awards for Movies noong Linggo. December 30, 2025.
Bagamat madalas makatanggap ng pagkilala si Ate Vi sa tuwina’y hindi nawawala ang excitement at pasasalamat sa kanya.
“I feel so, so happy. Every time nabibigyan ka ng pagkilala, it’s a different high kasi kahit paano na-acknowledge na you did something good. So sa PMPC, maraming salamat sa tiwala,” anang premyadong aktres.
Bale ika-sampung Best Actress award na ni Ate Vi ang natanggap niyang tropeo para sa Uninvited sa 41st PMPC Star Awards for Movies na ginanap sa Makabagong San Juan Theater, San Juan City.
Ang iba pang mga pelikulang nagpanalo sa aktres/politiko ay ang Pahiram ng Isang Umaga (1989), Dahil Mahal Kita, The Dolzura Cortez Story (1993), Bata, Bata, Paano ka Ginawa (1998), Anak(2000), Dekada 70 (2002), Mano Po (2004), In My Life (2009), Everything About Her (2016), When I Met You in Tokyo (2023), at itong Uninvited ngayog taon.
Tiniyak naman ni Ate Vi na gagawa pa rin siya ng pelikula bagamat kinuhang muli ang marami niyang oras bilang public servant.
