Manny Pacquiao pagagaangin buhay ng mga Pinoy sa MP 

MATABIL
ni John Fontanilla

MASAYANG ibinalita ng Pambansang Kamao at dating Senador Manny Pacquiao ang kanyang bagong negosyo na malaking tulong para sa mga Filipino para mabilis na makapagbayad ng bills, ito ang Manny Pay, isang online payment service app. na under ng 7th Pillar Integration Systems Corp..

Ayon kay Peoples Champ Manny, “We are not trying to compete with G-Cash.

“We are trying to lessen the burden para mas madali ‘yung pag-process ng mga payment, makatulong din sa taumbayan.”

Dagdag pa nito, “Mas mababa rin kami. Secured na ito kasi bago ang technology. ‘Yung system upgraded na siya so ‘di basta-basta maha-hack. ‘Yung old system ‘yung gamitin mo, mag-a-upgrade ka pa.” 

Ayon naman kay Marc Bundalian ng Tara Group of Companies, “The Manny Pay app, which initially operates as a payment gateway, will soon evolve into a full-fledged e-wallet and remittance service.

“It’s definitely going to be an e-wallet but right now we’re a payment gateway.”

Ibinahagi rin ni dating Senador Manny kung paano nag simula ang Manny Pay. “It started when we ate at a restaurant and someone asked, ‘Who’s gonna pay?’ Then they said, Manny Pay.”

 Dagdag pa ni Mr. Marc, “It came up because of that dinner and Manny always pays.

“Our business is an IT company, and all our developers are local Filipinos. Tatak Filipino talaga ito.”

Ang Manny Pay ang pinakabagong digital payment services sa bansa, isang secure, affordable, at flexible payment platform na ginawa para sa mga Filipino.