HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SIGURADO kaming nalungkot si Gov. Vilma Santos sa balita ng pagyao ni Dondon Nakar, ang minsang gumanap na Ding sa matatagumpay na Darna movies na kanyang ginawa noong 70’s.
Naging ‘Ding” ni Darna si Dondon sa movie na Darna and the Giants noong 1973 at noong 1976 nga ay inilunsad sila ni Winnie Santos sa Pilyang Engkantada movie.
Since then, naging sila ang magkapareha sa Apat na Sikat, ang tandem na sumunod na binuo ng yumao na ring si Ike Lozada. Sila ang mga love team after ng Vi-Bobot at Guy-Pip.
Nagkaroon na nga ng Winnie-Dondon at Lala Aunor-Arnold Gamboa, na Apat na Sikat.
Sa edad na 66 ay binawian nga ng buhay ang dating matinee idol noong 70’s na napanood pa namin sa mga pelikulang Menor de Edad, Gabi ng Bumuka ang Sampaguita (launching movie ni Amy Austriana siya ang leading man), Ang Babaeng Hinugot sa Aking Tadyang among others.
Mid-80’s nang tuluyang iniwan ni Dondon ang showbiz at naging private person. Huli namin siyang nakita sa isang okasyon more than ten years ago sa paanyaya ng kapatid-kumare rin nating si Lala.
Nakikiramay po kami sa mga naulila ng dating kilalang aktor.
