Arjo, Ria, Gela nakopo Best New TV Personality; Joshua, Rhian, Alden top winners

SHOWBIZ KONEK
ni Maricris Valdez

RECORD na maituturing ang pagkakatanghal na Best New TV Personality ng magkakapatid na Arjo, Ria, at Gela Atayde y sa PMPC Star Awards For Television.   

Taong 2012 nang tanghaling Best New Male TV Personality si Arjo, samantalang taong 2016 naman si Ria bilang Best New Female TV Personality, at noong Linggo ng gabi, si Gela ang nakakuha ng tropeo para sa Best New Female TV Personality sa katatapos na 37th PMPC Star Awards for Television na isinagawa sa isang hotel sa Quezon City.

Kaya naman nasabi na lamang ni Sylvia Sanchez nang banggitin sa kanya ang ukol dito na, “Hindi ko na alam kung ano pang sasabihin ko sa Diyos. Thankful, grateful.”

Na sinundan pa ng “Na-perfect ng magkakapatid ang award na ‘yan!”

“I owe this to my cast members. I was new and pressured especially I was a nepo baby. It was a lot of pressure. I really want to thank people who believed in me, Dreamscape and Sir Deo (Endrinal). Nagpapasalamat ako sa kanya everyday,” ani Gela matapos tanggapin ang tropeo. Si Gela rin ang nakakuha ng Dazzling Smile of the Night.

Marami naman ang nagulat nang si Sylvia ang nag-present ng Ading Fernando Lifetime Achievement Award kay Ms Caridad Sanchez. Marami kasi ang hindi nakaaalam, na very close pala si Ibyang (tawag sa aktres) kay Ms. Caridad.

Kuwento ni Ibyang sa amin, ninang nila sa kasal ni Papa Art Atayde si Ms Caridad at naging close siya rito tulad nina Nora Aunor at Maricel Soriano.

Kaya naging madamdamin ang pagbibigay niya at pagpapakilala sa anak ni Ms Caridad na si Ms Cathy Sanchez-Babao na siyang tumanggap ng award para sa kanyang ina.

Ibinahagi ni Sylvia ang mga bilin sa kanya at madalas sabihin ni Ms Caridad sa tuwing nagkukuwentuhan sila. Aniya bago ibigay ang award, “Ang secret agent ko rito sa industriya. Sa industriya natin importante ang pagiging propesyonal, alam mo dapat ang karakter na gagampanan mo at yakapin mo ito ng buong-buo. Handa ka dapat sa set, mahalin mo ang trabaho mo, ‘wag male-late at pakisamahan ang lahat ng tao sa set mula sa utility hanggang sa mga boss. ‘Wag kang yumabang at ‘wag lumaki ulo mo.”

Sinabi pa ni Sylvia na si Cathy ang nag-text mismo sa kanya para siya ang mag-present ng award sa kanyang Nanay Caring. Sinabi rin nito na siya ang pinakahuling naging close sa kanyang ina.

Samantala, big winners naman noong gabing iyon sina Joshua Garcia, Rhian Ramos, at Alden Richards. 

Itinanghal na Best Drama Actor for his Performance in a Romantic Drama Series sa Unbreak My Heartsi Joshua. Nakuha rin niya ang special awards na Male Celebrity of the Night at Face of the Night.

Ito naman ang kauna-unahang tropeo ni Rhian sa Star Awards na itinanghal na Best Drama Actress para sa kanyang performance sa crime mystery series na Royal Blood.

Si Alden ang nag-uwi ng Best Single Performance by an Actor para sa kanyang pagganap sa episode ng Magpakailanman, ang Sa Puso at Isipan: (The Cantillana Family Story).

Tie sina Paolo Ballesteros ng TV5’s E.A.T. at Robi Domingo ng ASAP Natin ‘To bilang Best Male TV Host samantalang si Kim Chiu ang nag-uwi ng tropeo bilang Best Female TV Host sa pagho-host sa It’s Showtime.

Ang Maria Clara at Ibarra  ang nakakukuha ng Best Primetime TV Series at ang GMA ang itinanghal na Best TV Station.

Narito ang kompletong listahan ng mga nagwagi sa 37th PMPC Star Awards for TV:

 1.  Best Children’s Show—TALENTS ACADEMY (IBC 13)

2.  Best Children’s Show Host—Jace Fierre, Shiloh Isaiah Haresco, Jessica Marie Robinson, Mikayla Go, Candice Ayesha, Madisen Go, Anika Dominique Figueroa, Ysabelle Luisa Perez, Cara Bartolo (TALENTS ACADEMY / IBC 13)

3.  Best Child Performer—EUWENN MIKAEL (The Write One / GMA 7)

4.  Best Morning Show— UNANG HIRIT (GMA 7)

5.  Best Morning Show Host- Arnold Clavio, Suzi Entrata-Abrera, Lyn Ching-Pascual, Susan Enriquez, Ivan Mayrina, Mariz Umali, Matteo Guidicelli, Shaira Diaz, Anjo Peritierra, Cheska Fausto, Sean Lucas, Shuvee Etrata, JR Royol, Kaloy Tingkungko (UNANG HIRIT / GMA 7)

6.  Best Documentary Program—THE ATOM ARAULLO SPECIALS (GMA 7)

7.  Best Documentary Program Host—Howie Severino, Atom Araullo, Mav Gonzales, Kara David, John Consulta, Sandra Aguinaldo (I- WITNESS / GMA 7)

8.  Best Lifestyle/ Travel Show—PINAS SARAP (GMA 7)

9.  Best Lifestyle/ Travel Show Host—KARA DAVID (Pinas Sarap / GMA 7)

10.  Best Magazine Show—KAPUSO MO, JESSICA SOHO (GMA 7)

11.  Best Magazine Show Host—KORINA SANCHEZ (Rated Korina / TV5, GTV, A2Z)

12.  Best Game Show—EMOJINATION (TV5)

13.  Best Game Show Host—DINGDONG DANTES (Family Feud / GMA 7)

14.  Best Comedy Show—PEPITO MANALOTO (GMA 7)

15.  Best Comedy Actor—PAOLO CONTIS (Bubble Gang / GMA 7)

16.  Best Comedy Actress—CHARIZ SOLOMON (Bubble Gang / GMA 7)

17.  Best Daytime Drama Series—ABOT KAMAY ANG PANGARAP (GMA 7) 

18.  Best Mini-Series—Walang Matigas na Pulis sa Matinik na Misis (GMA 7)

19.  Best Drama Anthology— MAGPAKAILANMAN (GMA 7)

20.  Best Celebrity Talk Show—Fast Talk With Boy Abunda (GMA 7)

21.  Best Celebrity Talk Show Host –BOY ABUNDA (Fast Talk With Boy Abunda / GMA 7)

22.  Best Public Service Program-WISH KO LANG (GMA 7)

23.  Best Public Service Program Host —EDINEL CALVARIO (Healing Galing / GTV)

24.  Best Public Affairs Program—Cayetano In Action With Boy Abunda (GMA 7)

25.   Best Public Affairs Program Host—BOY ABUNDA, PIA CAYETANO, ALLAN PETER CAYETANO (Cayetano In Action With Boy Abunda / GMA 7)

26.  Best News Program—24 ORAS (GMA 7)

27.  Best Male Newscaster—JOEE GUILAS (PTV News Tonight / PTV 4)

28.  Best Female Newscaster—Karen Davila (TV Patrol/A2z, All TV)

29.  Best New Male TV Personality—JOHN CLIFFORD (Pepito Manaloto / GMA 7)

30.  Best New Female TV Personality— GELA ATAYDE (Senior High / TV5, A2Z)

31.  Best Drama Supporting Actor—ELIJAH CANLAS (Senior High / TV5, A2Z)

32.  Best Drama Supporting Actress—CHERRY PIE PICACHE (FPJ’s Batang Quiapo / TV5, A2Z)

33.  Best Single Performance by an Actor—ALDEN RICHARDS (Magpakailanman:  Sa Puso At Isipan (The Cantillana Family Story) / GMA 7)

34.  Best Single Performance by an Actress—ROCHELLE PANGILINAN

(Magpakailanman:  The Abused Teacher / GMA 7)

35.  Best Variety Show—IT’S SHOWTIME (GTV, A2Z) 

36.  Best Male TV Host–PAOLO BALLESTEROS (E.A.T / TV5 ) and ROBI DOMINGO (ASAP Natin ‘To / TV5, A2Z)

37.  Best Female TV Host—KIM CHIU (It’s Showtime / GTV, TV5)

38.  Best Primetime TV Series— MARIA CLARA AT IBARRA (GMA 7)

39.  Best TV Station—GMA 7

40.  Best Drama Actor—JOSHUA GARCIA (Unbreak My Heart / GMA 7)

41.  Best Drama Actress—RHIAN RAMOS (Royal Blood, GMA 7)