Xian naging water boy sa isang beauty pageant

MA at PA
ni Rommel Placente

MARAMI ang humanga kay Xian Lim. Hindi lang kasi siya nagsilbing host sa Mutya ng South Cotobato 2025, kundi naging isa rin siyang water boy.

Sa question and answer portion kasi ng beauty contest, tinanong ng co-host ni Xian si Angelee delos Reyes si candidate number 10, Mary Ganaba, kung ready na itong sumagot sa kanilang katanungan, tugon nito, “To tell you honestly, I am not ready because I have  a dry cough. And I’ve been standing here since the awarding. So kakapalan ko na po ang mukha ko, can I ask a drink of water please? Water lang po, please!”

Pagkarinig ng sinabing ‘yun ni Mary, agad na umalis sa stage si Xian, at pumunta ng back stage para manghingi ng water na ibinigay sa dalaga. Talagang hindi niya inisip na isa siyang host, na dapat ang mga taong involved sa beauty contest ang maghahanap ng water para kay Mary, imbes na siya.

Nang  bumalik ng stage, walang nakuhang water si Xian.  Mabuti na lang, may isa sa audience ang nag-abot ng bottled water, na ibinigay kay Mary.

Sa effort na ginawa ni Xian, na nagmistula siyang water boy, marami ang humanga  isa rin kami.

Sabi nga ng isang nag-comment, ang gwapo naman ng water boy ni Mary.

O ‘di ba, walang pakialam si Xian kahit pa nagmistula siyang water boy? Kahanga-hanga naman talag ang aktor.