Charo at Dingdong pumasok sa PBB

PUSH NA’YAN
ni Ambet Nabus

SA pagpapatuloy ng weekly tasks ng housemates kaugnay ng The Big Carnival charity concert ay pumasok sa Bahay ni Kuya ang dalawa sa pinakamalaking Kapuso at Kapamilya stars na sina Dingdong Dantes at Charo Santos-Concio para magbigay ng pagkakataon sa mga housemate kung sino-sino mula sa kanilang mga mahal sa buhay ang makakapasok sa darating na Sabado.

May pagkakataon din ang fans na makapasok sa bahay para sa isang once-in-a-lifetime experience habang nakatutulong para sa isang charity mission.

Sa mga nais maging bahagi ng The Big Carnival ay maaaring mag-send ng kanilang message sa [email protected]. Paalala na huwag magbabayad ng concert slot sa mga unauthorized seller dahil ang PBB management lamang ang makapagbibigay ng official slot confirmation ng nasabing concert. Tutukan ang Pinoy Big Brother Celebrity Collab gabi-gabi sa GMA Prime.