Tuesday , May 6 2025
Water Faucet Tubig Gripo

Kompanya ng mga Villar sinisi sa kawalan ng tubig sa iba’t ibang lugar 

BINATIKOS ng mga konsumer mula sa iba’t ibang panig ng bansa si Las Piñas representative at kandidatong senador Camille Villar dahil sa palpak na serbisyo ng PrimeWater, ang water utility company na pagmamay-ari ng kanyang pamilya.

Anila, dapat munang tugunan ni Villar ang mga problema sa PrimeWater — gaya ng kakulangan sa suplay ng malinis na tubig, madalas na pagkaantala ng serbisyo, at mahinang tugon sa mga reklamo—bago mangakong pagagandahin ang buhay ng mga Filipino.

“Eto namang si Camille Villar: Aayusin daw ang buhay ng mga Filipino. Teh, ayusin mo muna PrimeWater. Kaloka,” ayon sa isang post ni Nash Nacion sa X, na tumutukoy sa plataporma ni Villar.

Nauwi ito sa kabi-kabilang reklamo mula sa mga customer ng PrimeWater sa Tarlac, Camarines Norte, Cavite, Laguna, at Bulacan, na umalma sa kabiguan ng kompanyang bigyan sila ng maayos at malinis na suplay ng tubig.

“Hanggang kelan magbubulag-bulagan ang karamihan sa totoong nangyayari rito sa SJDM? Pinapaasa lang tayo sa wala. Dati naniniwala pa ko na ginagawan ng solusyon ang problema sa PrimeWater, pero ngayon, lalo na’t kapartido pa nila si Camille Villar, mukhang imposible na. Bago namin siya iboto, baka sakaling may mabago,” ayon sa isang galit na residente mula San Jose del Monte, Bulacan.

Ilan sa mga residente ang nagsabing mas maayos pa ang serbisyo ng kanilang mga water district bago punasok ang PrimeWater. May ilang lugar na ilang linggo nang walang tubig ngunit wala man lang paliwanag o aksiyon mula sa kompanya.

“Pakiaksiyonan n’yo naman po ang problema sa tubig dito sa Tarlac. Antagal po umaksiyon ng TCWD PrimeWater Tarlac City. Pahirap tapos wala man lang kahit anong solusyon. Mahigit isang linggo na kaming walang tubig sa San Vicente Ramos Street,” hinaing ng isang residente.

Sa ngayon, pinag-aaralan na ng mga lokal na pamahalaan ng Bacolod City at San Pedro, Laguna ang posibilidad na tapusin ang kanilang joint venture agreement sa PrimeWater dahil sa kabiguang matugunan ang kanilang mga pangangailangan sa tubig.

Inaasahan din na susuriin ng iba pang local government units ang kanilang kasunduan sa PrimeWater matapos bumagsak ang net income ng kanilang mga water district mula nang ilipat sa kompanya ng mga Villar ang operasyon. (HNT)

About hataw tabloid

Check Also

Jon Lucas Jan Enriquez

Management ni John Lucas pinababaklas pag-endoso kay Abalos

I-FLEXni Jun Nardo UMALMA ang team sa likod ng career ng Kapuso actor na si Jon …

Chavit Singson e-jeep

Chavit Singson pinasinayaan pagbubukas ng e-Jeepney factory sa ‘Pinas

PINANGUNAHAN ni dating Gov. Luis “Chavit” Singson ang pagpapasinaya sa matagal na niyang pangarap, ang …

Dead body, feet

Bangkay ng kelot nadiskubre habang nagsosoga ng baka

NADISKUBRE ng isang pastol ng baka ang bangkay ng isang lalaki na kanyang natagpuan bandang …

Arrest Shabu

Sa Bulacan  
3 adik na tulak arestado, drug den binuwag

NAARESTO ang tatlong tulak sa isang drug den  kabilang ang operator na nagresulta sa pagkakakompiska …

arrest, posas, fingerprints

Sa Bulacan at Angeles City
DALAWANG MWP NAARESTO SA MAGKAHIWALAY PNP OPS

BILANG bahagi ng pinaigting na kampanya laban sa mga pinaghahanap ng batas, dalawang most wanted …