HATAW! D'yaryo ng Bayan hatawtabloid.com
RATED R
ni Rommel Gonzales
PATOK na patok sa panlasa ng mga Gen Z at ng iba pang henerasyon ang youth-oriented series na MAKA! Katunayan, umabot na ito ng higit 200 million views sa iba’t ibang social media platforms ng GMA Network.
Patuloy din ang pagganda ng kuwento sa mga karakter nina Zephanie, Marco Masa, Ashley Sarmiento, Olive May, John Clifford, Chanty from the K-Pop group Lapillus, Sean Lucas, May Ann Basa o Bangus Girl, Shan Vesagas, Josh Ford, Elijah Alejo, at Bryce Eusebio.
Bukod sa pag-abot sa mga pangarap ng MAKA students, isa sa mga paksang tinalakay kamakailan dito ay ang bullying sa mga magkakaklase. Hinangaan ng viewers ang pagpapalaganap ng awareness ng TV show laban sa bullying.
Mapapanood ito tuwing Sabado, 4:45 p.m. sa GMA-7, pagkatapos ng Wish Ko Lang.
