Ruru pinuri ni Ms Tessie; Rowell pasok sa Lolong  

RATED R
ni Rommel Gonzales

ISA si Tessie Tomas sa mga bagong mukhang mapapanood sa Lolong: Pangil ng Maynila. Reunited nga kung maituturing sina Tessie at Ruru Madrid. 

Ilang taon na rin kasi mula nang magsama sila sa isang serye, ang Naku, Boss Ko!

Gagampanan ni Tessie si Lola Grasya at magsisilbi siyang gabay ni Lolong sa Maynila nang mapadpad dito ang bida matapos ang mga nangyari sa Tumahan. 

Sa isang panayam, pinuri ni Tessie ang Kapuso actor sa husay nito.

“I find Ruru a very committed actor. ‘Yung gagawin niya lahat maski na [ano]. Napapanood ko rin siya sa ‘Black Rider.’ Mahihirap ‘no? Tapos dito, ganoon din,” say ng veteran actress. 

Balik-telebisyon din si Rowell Santiago bilang si Manuel, ang itinuturing na Big Boss ng Maynila.

Kasama rin sa bagong mukha sa Lolong sina Ketchup Eusebio, Matt Lozano, Yasser Marta, Wendell Ramos, Elle Villanueva, Andrea del Rosario at marami pang iba.