HATAW! D'yaryo ng Bayan hatawtabloid.com
PUSH NA’YAN
ni Ambet Nabus
KAHIT may alam o naka-marites ng latest si Miss U aka Gloria Diaz sa lovelife ni Jodi Sta. Maria, hindi naman nito ibinuking ang aktres na bida sa pelikulang Untold ng Regal Entertainment.
“Siya ang dapat magsalita at magkwento,” sey ng aktres/beauty queen.
Sa masayang media conference ng Untold, sinagot ni Jodi ng, “kaya nga UNTOLD eh,” ang pagpapa-amin dito sa tinuran ni Ms U na “happy ang lovelife ni Jodi.”
Halata namang masaya ang buhay pag-ibig ni Jodi na sobrang focused sa kanyang career lalo’t may dalawa siyang Youtube shows sa ngayon, plus this movie nga.
This April 30 ipalalabas ang horror flick na makakasama sina Ms Gloria, Joem Bascon, Juan Karlos, Sarah Edwards, Kaori Oinuma, at Lianne Valentin sa direksiyon ni Derick Cabrido mula sa Regal Entertainment.
