Sino si Bebe sa sulat na nakita sa mediacon ni Jojo Mendrez?

MA at PA
ni Rommel Placente

MUKHA yatang may something na talaga kina Mark Herras at sa businessman-singer na si JoJo Mendrez, huh!

Kumakalat kasi ngayon sa social media ang isang sulat na umano’y napulot ng waiter ng Dapo Resto sa Quezon City matapos ang ginawang media launch kamakailan para sa bagong single ng Revival King na si Jojo titled Nandito Lang Ako. 

Palaisipan sa mga netizen kung sino ang Bebe na tinutukoy sa sulat na siyang mababasa sa dulo. May pangalang Jojo naman sa bandang ibaba.

“Please ‘wag ka ng magsayaw sa gay bar hindi kasi maganda para sa yo. Take care always. Nandito lang ako,” ang nakalagay sa sulat.

Kapansin-pansin na ang mga katagang Nandito Lang Ako ay ang title ng latest single nga ni Jojo.

Sabi ni Jojo during the mediacon noong may magtanong kung may relasyon sila ni Mark dahil spotted silang magkasama sa isang hotel casino, ayaw niyang magbigay ng komento. Kung sasabihin daw kasi niya na wala ay wala rin namang maniniwala. At kung sasabihin naman daw  niya na mayroon, wala rin namang maniniwala. 

So, saan daw siya lalagay?

Dumating din sa mediacon si Mark. Nagbigay siya ng flowers kay Jojo habang kinakanta nito ang Nandito Lang Ako.