HATAW! D'yaryo ng Bayan hatawtabloid.com
HARD TALK
ni Pilar Mateo
MUNISIPALIDAD sa bayan ng Iloilo ang Dingle.
Roon pala nagmula ang may-ari ngayon ng Music Box sa Timog at business partner naman ng may-ari ng The Library sa Las Piñas na si Mamu Andrew de Real.
Si Arnel Dragido ang tumatayo ngayong “ama” ng mga host sa nasabing sing-along bar.
Pero paroo’t parito ito sa kanyang bayan sa Iloilo at dinadala ang mga pambatong host sa kanyang bayan para magbigay aliw din sa mga kababayan.
Matagal na rin palang nagsisilbi sa kanyang bayan ang mas kilala sa tawag na Boss Jerick at palalawakin pa niya ito sa pagsisilbi roon balang araw.
Sa sing-along circuit, itinatag na rin niya and D’Calibre Entertainment na siya na ring nagma-manage ng karamihan sa mga host ng The Music Box.
Habang papalapit na ang anibersaryo ng MB sa Mayo, maya’t maya na rin ang pabongga ng kaliwa’t kanang palabas dito.
Ngayong panahon ng pagdiriwang ng Araw ng mga Puso, muling magsasama-sama ang mga original na drag queens ng sing along, ang Raging Divas with the Muses ngayong Huwebes, ika-13 ng Pebrero with their Red and Wild.
Sa mismong Araw ng mga Puso, fresh from his long stay in the US, manghaharana si Miguel Vera with his HiMIGZ ng Pag-Ibig. And on the 15th, ang pambatong singer ng MB at D’Calibre na si Rdee Asadon naman ang maghahandog ng kanyang Straight from the Heart.
Punompuno ng pag-ibig ang Pebrero. Lalo na sa mga nagmamahal sa musika na may kasamang tawanan.
Confident naman si Boss Jerick na kahit napapadalas na siya sa Dingle ngayon, eh tuloy-tuloy lang ang kasiyahan sa Music Box. Lalo pa at tuwing Miyerkoles ay idinaraos ang The Voice of Music Box. Na at the same time ay ginagnap din sa The Library ni Mamu Andrew. At ang mga mananalo sa contest ng dalawang bars ay maglalaban din para sa malalaking premyo kasama na ang paggawa ng kanta ni Vehnee Saturno at kontrata sa D’Calibre!
So, drop by na sa MB. At bawat gabi ay may hatid na kakaibang saya!
