HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAGSIMULA na this week ang bagong TV series ng Kapuso Network titled ‘My Ilonggo Girl’.
Kabilang sa casts nito sina Jillian Ward, Michael Sager, Arlene Muhlach, Andrea del Rosario, Empoy Marquez, Lianne Valentin, Arra San Agustin, Teresa Loyzaga, at Richard Quan.
Nakahuntahan namin thru Facebook si Richard at ilan sa inusisa namin sa kanya ang hinggil sa naturang serye.
Ano ang role niya rito at paano niya ito ide-describe, drama ba ito, romcom na may pakilig?
Tugon ni Richard, “Ang role ko rito ay si Sir Gov Palma, successful business man – shipping lines, real estate at restaurant… father siya ng character ni Mike Sager na very strict.
“Pero disappointed siya sa kanyang anak dahil mataas ang expectations niya rito.”
“Both, romcom na may drama bale ito,” esplika pa niya.
Former politician ba ang role niya rito?
“Hindi siya politician, iyong GOV ay abbreviation ng name nya na Gregorio Orlando Vicente.”
Nag-start na ito last Monday, ano ang dapat i-expect ng viewers dito?
“Isa siyang feel good TV series with roller coaster ride ng emotions. Mabilis ang pacing and first time rin ni Jillian Ward na gumanap ng dual role.”
May kakambal ba si Jillian dito? “Doppleganger, magkamukha lang sila,” matipid na tugon niya.
Ano ang masasabi niya sa casts, lalo na sa lead stars dito?
“Sina Jillian at Mike parehong chill lang, magaan katrabaho, at impressive yung pagiging humble nila at professionalism. Pareho rin silang focus sa work and respectful. Other cast are easy to work with.”
Dahil sa tagal na niya sa showbiz industry, may projects o role pa ba na magpapa-excite sa kanya?
Aniya, “Yes, exciting sa akin itong My Ilonggo Girl, kasi same production at director eto ng Makiling project, pero TOTALLY OPPOSITE character ang ibinigay nila sa akin. I am grateful and honored na pagkatiwalaan nila ng wide range of characters, iyon pa lang excited at motivated na ako
“Hopefully maging successful ang My Ilonggo Girl,” masayang wika pa ni Richard.
Nabanggit din ng versatile na aktor na may magandang chemistry rito sina Jillian at Mike.
“Yup, mayroon silang chemistry and yes, maraming scenes na pangpakilig na mapapanood dito.”
Mula sa pamamahala ni Direk Rado Peru, napapanood ang My Ilonggo Girl every Monday to Thusday, 9:35 pm.
Aside sa My Ilonggo Girl, ano pa ang ibang project na aabangan sa kanya?
“Sa June, ipapalabas yung How to Get Away From My Toxic Family, si Zanjoe Marudo ang bida rito, directed by Lawrence Fajardo,” sambit pa ni Richard
