HATAW! D'yaryo ng Bayan hatawtabloid.com
LUMANTAD na noong Martes, Enero 7 sina Maris Racal at Anthony Jennings sa isang fan conference na isinagawa sa isang mall para sa pinakabagong teleserye ng ABS-CBN, ang Incognito.
Top trending topic muli magka-loveteam sa dami ng mga post pictures at video nila na kuha sa event.
Kasama sina Maris at Anthony sa cast ng Incognito at ito ang unang pagkakataon na muli silang nakita ng netizens matapos ang cheating scandal.
Nasa fancon din ng Incognito sina Richard Gutierrez, Baron Geisler, Kaila Estrada, Ian Veneracion, at Daniel Padilla.
Kung pagbabasehan ang mga picture at video at ayon na rin sa mga nakakita ng live sa program, tila hindi mababakas na may pinagdaanang eskandalo sina Maris at Anthony.
May nagkomento pa ngang mabilis naka-move on ang dalawa mula sa kontrobersiya.
Malaman naman ang tinuran ni Maris nang matanong kung ano ang tinatarget niyang goal na nais ma-achieve ngayong 2025. Anito, “to be stronger.”
