HATAW! D'yaryo ng Bayan hatawtabloid.com
PUSH NA’YAN
ni Ambet Nabus
SPEAKING of Lorna Tolentino, dahil single nga ito sa ngayon, feel na feel niyang magpaka-prinsesa sa set man o off-cam ng mga ginagawa niya.
Kung may PriManda raw sila ni Lito Lapid sa Batang Quiapo, tiyak daw na may ikokonekta ang iba dahil nga available siya.
“Pero hindi talaga ako naghahanap. Kung may darating pa uli sa ganitong estado ko, bahala na si Batman. Nakakikilig lang bilang isang babae at sa edad kong ito ay may mga kagayang treatment pa akong nararanasan. Ang lakas maka-prinsesa,” pahayag ng award-winning actress na isa sa bida sa Espantaho.
Kung last year ay naging jury member si LT sa Metro Manila Film Festival (MMFF), this time ay mukhang mapapalaban siya sa acting category dahil sa role niya bilang nanay ni Judy Ann Santos.
“Espesyal ito sa akin in so many ways. Reunion movie namin ito ni direk Chito Rono na nagpakilala rin sa akin sa horror genre dahil sa ‘Patayin sa Sindak si Barbara.’ Tapos may Judy Ann pa, may Chanda Romero na noong 70’s-80’s pa ay kapwa ko na Jess Ejercito angel. May Uge (Eugene Domingo) at marami pang iba. Kaya nga very thankful ako kay Ate Vi (Vilma Santos) na nag-beg off sa role at sa akin napunta,” hirit pa ni LT.
