HATAW! D'yaryo ng Bayan hatawtabloid.com
MA at PA
ni Rommel Placente
ISA si Nadine Lustre sa mga bida sa pelikulang Uninvited ng Mentorque Productions. Gumaganap siya rito bilang si Nicole, anak ni Aga Muhlach.
Isang malaking hamon na naman sa acting ni Nadine ang mapabilang sa pelikula na entry sa Metro Manila Film Festival 2024.
Alam naman natin na last year ay siya ang itinanghal na best actress sa MMFF para sa pelikulang Deleter.
This time, bukod kay Aga, makikippagtagisan din siya sa akting kay Vilma Santos,na isa rin sa bida sa Univited.
Ikinuwento ni Nadine sa mediacon ng Uninvited kung paano niya ito agad tinanggap noong in-offer sa kanya.
Ayon sa aktres, nang tawagan siya ng direktor nila na si Dan Villegas, at ikwento ang synopsis, hindi pa raw tapos ang pag-e-explain sa kanya, agad siyang napasabi ng, “game na.”
Lalo na nang nalaman niya na makakasama niya sina Vilma Santos at Aga.
“Kailan ko ba masasabi na nakatrabaho ko sila (Vilma at Aga) in one film? This is an oppurtunity of a lifetime,” sey niya.
Kaagad niyang tinanggap ito. Pag- amin naman niya na noong umpisa ng kanilang shooting, pagdating niya sa set ay kabado siya, dahil bigating mga artista nga ang kasama niya. Pero naramdaman niya ang mainit na pagtanggap sa kanya ng lahat ng cast lalo na nina ate Vi at Aga.
Bukod kina ate Vi at Aga, kasama rin sa pelikula sina Mylene Dizon, Gio Alvarez, Ketchup Eusebio, Gabby Padilla, Ron Angeles at marami pang iba.
