HATAW! D'yaryo ng Bayan hatawtabloid.com
RATED R
ni Rommel Gonzales
AMINADO si Alexa Ilacad na sa simula ay na-intimidate siya sa leading man niya sa Mujigae, ang South Korean actor na si Kim Ji-soo.
“At first I was a bit nervous and I’m not gonna lie, medyo na-intimidate talaga ako kay Ji Soo, kasi ang tangkad,” wika ni Alexa.
“Hindi ko siya matingnan ng diretso, kailangan nakatingala ako, 6’2 siya, 5’2 ako.
“Pero, hindi, I was really excited din kasi I know professional Korean stars are and I’ve never really worked with anyone na Korean star.
“So the first time I met Ji Soo it was for the look-test, so parang in a way sinabak na agad kami sa trial scene, without really the you know, formal introduction, so I was a bit intimidated.
“Pero I saw naman in his eyes na open naman siya, so kinapalan ko na po ‘yung mukha ko, kinausap ko, nakipag-eksena ako sa kanya and nagbibigay talaga siya, kahit feeling ko hindi niya ako naiintindihan minsan, nagbibigay talaga siya.”
Gumaganap sa movie si Alexa bilang si Sunny, si Ji Soo bilang Ji Sung Park, at ang child actress na si Ryrie Sophia bilang si Mujigae.
Nasa pelikula rin, na mula sa produksiyon ng UxS (Unitel x Straightshooters) at ng producer na si Madonna Tarrayo, si Rufa Mae Quinto at sina Richard Quan, Kate Alejandrino, Donna Cariaga, Cai Cortez, Roli Inocencio, Anna Luna, Lui Manansala, at Peewee O’Hara.
Ang Mujigae ay mula sa direksiyon ni Randolph Longjas at sa panulat ni Mark Raywin Tome.
Palabas na ito ngayon sanmga SM cinema.
Napapanood din nga pala si Ji Soo bilang Dr. Kim Young sa Abot Kamay Na Pangarap ng GMA.
