HATAW! D'yaryo ng Bayan hatawtabloid.com
RATED R
ni Rommel Gonzales
PAREHONG may konek sa Venice International Film Festival sina Janine Gutierrez at lola niya, ang Superstar na si Ms. Nora Aunor.
Kuwento ni Janine, “When I was there na may nakilala ako na Pinoy na taga-Venice na may picture siya with Mama Guy noong nag-Venice pala siya years ago.
”Hindi ko alam actually na nag-Venice si Mama Guy.
“So iyon dream ko talaga siya. Ang ganda lang ng feeling na ‘yung audience ng ibang mga bansa pinapanood ‘yung mga pelikula natin, nakikinig sila ng Filipino, ng Tagalog.
“Iyon talaga ‘yung gusto ko.”
Dumalo sa 69th International Film Festival noong September 2012 si Nora na nanalo ng mga award ang pelikula niyang Thy Womb ni Brillante Mendoza.
Twelve years later, si Janine naman ang dumalo sa prestigious filmfest na exhibition film ang movie niyang Phantosmia ni Lav Diaz.
Lahad pa ni Janine, “Happy talaga ako na makapunta sa Venice Film Festival.
“Kasi when I was there everyday nakikita ko sa Instagram kung sino ‘yung mga nagsisidatingan, like si Angelina Jolie, si Brad Pitt, ‘yung kasunod namin sa red carpet, si Julianne Moore.
“So parang, ‘Wow!’
“Just to be in the same place as them.”
Gumanap na ina ni Janine sa pelikula ang aktres na si Hazel Orencio na naging daan para maging artista ni Lav si Janine.
“Actually I owe it also to Dreamscape. Kasi sa ‘Dirty Linen’ si ate Hazel Orencio who is direk Lav’s longtime producer, assistant director and actress, kasama ko siya na, kami ‘yung mga kasambahay sa bahay ng mga Fiero.”
Sa 2023 drama series ng ABS-CBN na Dirty Linen ay nagbida si Janine kasama ang mga gumanap na Fiero family na sina Zanjoe Marudo, Francine Diaz, John Arcilla, Janice de Belen, Angel Aquino, at Tessie Tomas.
Pagpapatuloy pang kuwento ni Janine, “So I kept telling her [Hazel] noong ‘Dirty Linen’ na, ‘Ate, can I do anything for you kapag mayroon kayong gagawin ulit ni direk Lav?’
“Super niligawan ko talaga siya na, ‘Kahit ano gagawin ko, I wanna work with you guys!’
“So I’m just grateful that she remembered.”
