Kokoy Best Actor sa 2024 Asian Academy Creative Awards 

MATABIL
ni John Fontanilla

WAGI bilang Best Actor sa 2024 Asian Academy Creative Awards si Kokoy de Santos para sa pelikulang  Mother’s Son ni Direk Jun Robles.

Nagwagi ring National Winner for Best Feature Film ang pelikula na hatid ng IdeaFirst Company.

Post ni Kokoy sa kanyang Facebook bilang pasasalamat sa IdeaFist Company, “Congratulations po sa buong team! Kabog!!

Maraming Salamat The IdeaFirst Company Fam.”

Bukod diyan si Kokoy din ang big winner at itinanghal na Season 2 Ultimate Runner o Grand Winner sa katatapos na season 2 ng Running Man Philippines.