Teejay Marquez bilib kay Mayor Marcos Mamay

MATABIL
ni John Fontanilla

PROUD na Proud si Teejay Marquez dahil nabigyan siya ng pagkakataon na gampanan ang role bilang Marc (young Mayor Marcos Mamay) sa Advocacy Film na A Journey To Greatness, The Marcos Mamay Story.

Bilibsi Teejay sa journey na pinagdaanan ni Mayor Marcos, kung paano ito nagpursige at nagsikap sa pag-aaral para makamit  ang tagumpay.

Ayon nga kay Teejay, “Nakabibilib si Mayor Marcos Mamay kasi nagawa niyang maging successful dahil sa tiyaga at sipag.

“At kahit sobrang hirap ng kanyang pinagdaanan hindi siya sumuko at patuloy na lumaban.

“Kaya nga sobrang suwerte ko at nagpapasalamat kay Mayor Mamay dahil nabigyan niya ako ng pagkakataong mapasama sa ‘The Journey of Greatness… The Marcos Mamay Story’ at gampanan ang role bilang teenager na Marc (Marcos Mamay).

“And sa movie makikita natin kung gaano niya kamahal ang mga tao ng Nunungan Lanao Del Norte.”

Makakasama ni Teejay sa A Journey to Greatness….The Marcos Mamay Story sina Jeric Raval, Ara Mina Almarinez, Ron Angeles, Polo Ravales, Mohammed Hassan Ali Marohomsalic, Ali Forbes, Victor Neri, Julio Diaz, Devon Seron, Tonz Lander, John Arcenas, Sabrina M and Shiela Delgado.

Directed by Neal Buboy Tan, hatid ng Mamay Production.