Kindergarten pupil patay sa 22-wheeler truck

PATAY ang isang batang lalaki matapos matagis ng isang rumaragasang truck sa kahabaan ng lansangan sa Brgy. Cupang, Pandi, Bulacan kamakalawa.

Sa ulat na na ipinadala kay P/Col. Relly Arnedo, provincial director ng Bulacan PPO, kinilala ang biktima na si Matthew Verano, 6 anyos, kindergarten pupil at naninirahan sa  Pine Tree St., Purok 4, Brgy. Cupang.

Inaresto at kasalukuyang nasa kustodiya ng Pandi Municipal Police Station (MPS) ang driverng nakasagasang truck, kinilalang si  Jaypee Sanchez, 27 anyos, may live-in partner, residente sa Purok 1, Bobon, Lungsod ng Butuan, Agusan Del Norte.

Sa inisyal na ulat, dakong 11:10 am, sasakay ang biktima sa kanilang tricycle na nakaparada sa tabi ng kalsada, nang matagis ng dumarating na 22-wheeler Isuzu truck, may plakang NFS 6402 na minamaneho ng suspek.

Agad namatay ang biktima at hindi na nadala sa ospital.

Nakaburol na ang labi ng bata sa kanilang tahanan sa Brgy. Cupang habang inihahanda ng pulisya ang kasong isasampa sa korte laban sa suspek. (MICKA BAUTISTA)