Tuesday , May 6 2025

Navy pilot, co-pilot patay sa helicopter crash sa Cavite


041224 Hataw Frontpage

ni BOY PALATINO

CAMP VICENTE LIM, LAGUNA – Patay ang isang navy pilot at co-pilot sa pagbagsak ng helicopter sa Draga reclamation area sa Barangay 57, Cavite City, kahapon ng umaga.

Kinilala ang mga biktima na sina Lt. John Kyle Borres, 36 anyos, tubong Cebu City at co-pilot nitong si Ens Izzah Leonah Taccad, 27, residente sa Tumauini, Isabela.

Agad na binawian ng buhay si Borres habang patungo sa Cavite Medical Center, at si Taccad ay namatay habang ginagamot sa Bautista Hospital. Sina Borres at Taccad, parehong miyembro ng Philippine Navy ay nakatalaga sa Naval Airwing Sangley Point sa Cavite City.

Ayon kay Lt. Col. Christopher Guste, hepe ng pulisya ng Cavite, sakay ng R22 Robinson helicopter ang dalawang Navy pilots nang maganap ang insidente kahapon dakong 6:30 am.

Aniya, hindi pa alam ang sanhi ng insidente. Sinabi ng mga saksi sa mga imbestigador, hinala nila ay nagsasagawa ng ehersisyo ang dalawang piloto nang bigla silang makaenkuwentro ng problema sa helicopter kaya napilitan silang lumapag sa bakanteng lugar sa Draga reclamation sa Barangay 57, Cavite City.

Ayon kay Guste, walang naiulat na nasaktan mula sa mga residente at walang napinsalang ari-arian.

“Ang mga piloto ay walang pasahero, sila lamang ang sakay nang ang helicopter ay puwersahang bumagsak,” ani Guste.

Aniya, naka-coordinate na sila sa Philippine Navy at nangangalap ng impormasyon sa flight plan ng R22 Robinson helicopter.

About Boy Palatino

Check Also

Sharon Cuneta Kiko Pangilinan Keith Monteverde Roselle Monteverde 

Sharon naiyak sa suporta ni Roselle Monteverde 

SHOWBIZ KONEKni Maricris Valdez WALANG patid sa pagluha si Sharon Cuneta nang humarap sa entertainment press kasama …

Pamilya ko Partylist

Malasakit at puso ng Pamilya Ko Partylist ibinahagi

BAGAMA’T bumuhos ang malakas na ulan sa isang  subdivision sa Woodbridge sa Pandi, Bulacan hindi …

Carlo Aguilar

Walang demolisyon sa Las Piñas  
CARLO AGUILAR, NANGAKO NG ABOT-KAYANG PABAHAY PARA SA INFORMAL SETTLERS

IPAGTATANGGOL ni Carlo Aguilar, kandidato sa pagka-alkalde ng Las Piñas, ang karapatan ng tinatayang 10,000 …

Sarah Discaya

Kailangang Maranasan ng Pasigueño ang Totoong Serbisyong Pampubliko – Ate Sarah

Karapat-dapat ang mga Pasigueño sa tunay at konkretong serbisyong pampubliko, at hindi lamang sa tinatawag …

SM Hypermarket Complete Home 2025

Complete Home 2025: Budols That Bring Joy to Your Home

SM Hypermarket’s Complete Home is Back — where incredible savings and home upgrade inspiration come …