HATAW! D'yaryo ng Bayan hatawtabloid.com
ni ALLAN SANCON
KASABAY ng paglulunsad ng 3rd edition ng Aspire Magazine na ginanap sa Robinson’s Novaliches Trade Hall noong March 15, 2024, ipinakilala ng CEO nitong si Ayen Cas ang kanilang latest cover na si Marianne Beatriz Bermundo, 16, Queen Humanity International 2023 at Miss Teen Culture World International 2023 at dating Little Miss Universe 2021.
Ipinakilala rin ni Ayen ang isa pang young beauty queen na si Khristine Kate Almendras Ornopia, 12, nanalong Outstanding International Fashion Model and Young Beauty Queen of the Yeat 2024.
Bata pa lang, pangarap na nina Marianne at Khristine na maging beauty queen para i-represent ang Pilipinas sa ibang bansa. Pangarap din nilang mag-artista at sundan ang yapak ng kanilang mga idolo na sina Francine Garcia at Kathryn Bernardo.
Layunin ng Aspire Magazine na palawigin ang traditional na memorabilia ng hard copy magazine sa kabila ng naglipanang online at digital magazine. Dahil iba rin kung nahahawakan, nababasa, at naitatabi ang hard copy magazine.
Tampok sa bagong Aspire Magazine ngayong taon ang magaganda at inspiring stories ng mga successful beauty queens, businessmen and women at mga sikat na celebrities.
Dalawa nga sa mga young beauty queen na tampok sa magazines ay ang istorya ng tagumpay nina Marianne at Kristine.
Mahigit 200 pages ang kapal ng hard copy magazine na magiging available na soon sa mga leading magazine stand and bookstore nationwide.
