HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAKATUTUWANG bibigyang parangal si Sarah Geronimo ng Global Force Award bilang Billboard’s Women in Music.
Ayon sa American entertainment and music magazine, kabilang si Sarah sa mga listahan ng honorees kasama ang Italian singer-songwriter na si Annalisa at Brazilian singer-songwriter na si Luisa Sonza.
Nagpahayag naman ng pasasalamat ang Popstar Royalty sa pamamagitan ng X (dating Twitter). Aniya, iniaalay niya ang award sa bawat Filipino artists na patuloy na nangangarap.
“Honored and grateful to be one of the recipients of Billboard’s Global Force Award.
“This recognition belongs to every dreamer and amazing Filipino artist we have.
“Mabuhay ang OPM! Mabuhay ang Pilipinas! Maraming salamat, Billboard PH!” ani Sarah sa kanyang post.
Hindi ito ang unang pagkakataong kinilala ang galing ang galing ni Sarah ng iba’t ibang international award-giving bodies.
Kabilang dito ang Awit Awards, Mnet Asian Music Award, MTV Europe Music Award, World Music Award, Classic Rock Roll of Honour Award, at marami pang iba.
Magtutungo ng Los Angeles, California si Sarah sa March 6 para personal na tanggapin ang award na magaganap sa YouTube Theater na maaaring mapanood sa website ng Billboard.
