Cedrik Juan ‘di nagpakabog kina Piolo at Enchong

I-FLEX
ni Jun Nardo

MAS marami kaming nalaman at natutunan sa kuwento ng tatlong martir na paring sina Mariano Gomes, Jose Burgos, at Jacinto Zamora na mas kilala bilang Gomburza, nang mapanood namin sa special screening ng festival movie na idinirehe ni Pepe Diokno.

Produced ng Media Quest at JesCom bida rito sina Dante Rivero, Cedrik Juan, at Enchong Dee. May special participation sina Piolo Pascual at Khalil Ramos.

Maganda at maayos ang pagkakalahad ng kuwento ng director. Pati cinematography at production design ay maayos.

Magaling si Cedrick. Nakalabas na pala siya sa ilang movies gaya ng Die Beautiful, Panti Sisters, Goyo, Khalel at marami pang iba.

May mga anggulo si Cedrick na kamukha ni Piolo. Maiksi man ang role ni Piolo eh markado ang dating pati sina Enchong at Dante.

Dapat nga panoorin ng mga kabataan ito dahil sa adhikain na magsisilbi nilang guide sa kanila sa makabagong panahon.